الرقابة عايزة رقابة

رحت إمبارح الرقابة الإدارية عشان أشتكى من كارثة تعلية الدور الخامس على عمارتنا اللى بقالى فيها مايزيد عن سنة، خدت إمبارح مصر من أولها لآخرها، من شارع النزهة ف مصر الجديدة لميدان الرماية ف آخر شارع الهرم، مفروض إن المركز الرئيسى ف شارع النزهة بس بيبعتوا الشكاوى للمراكز المختصة بالبريد وانا عايزة اسلمها باليد، فدلونى على فرع مكرم عبيد، لفيت و رجعت عباس العقاد و لفيت ف مكرم عبيد لحد مالقيت الفرع، جنب جامع و مستشفى العاملين بالبترول، لقيته فرع تقديم شكاوى حلوان و المعادى باين و فرع الجيزة اللى مش مكتوب عنه إنه موجود أصلا ف سايت الإنترنت موجود قدام نادى الرماية، ف م الساعة تسعة لحد مارجعت البيت الساعة واحدة ماعدا تقريبا نص ساعة و انا سايقة ف وسط الزحمة و الحر اللى مش محوق فيه تكييف العربية الفيات بتاعتى، المهم رحت و قدمت الشكوى باليد للمختص و لخصت الموضوع ف تلت ساعة و روحت، ملاحظاتى بأه، فخامة المبانى من جوه، الرخام و السجاجيد و الكوبستات و البيبان الخشب و التكييفات، الحراسة المشددة على التلت مبانى اللى رحتهم لدرجة إن مبنى الرماية بابه العمومى الفخم الحديد على إزاز اللى يفوت العربيات مقفول بالمفتاح!! و ف المبنيين التانيين إستنيت ف الإستقبال لحد ما جالى حد، يعنى قبل ما يدخلونى ف مبنى الجيزة طلبوا منى إثبات شخصية و بعدين قفل السكيوريتى الشباك الألوميتال اللى بينى و بينه و فضل يرغى ف التليفون لحد ما ف الآخر طلب منى الموبيل و بعدين فتحلى الباب بالمفتاح و دخلت الفيللا اللى بجنينة كبيرة شرحة لما قابلنى سكيورتى تانى و رحنا للمختص ف الدور التانى، يعنى عايزة أعرف، مش مفروض دى جهة خدمية، خاصة بشكاوى المواطنين، إيه التحصينات دى كلها؟! و المواطن يشتكى إزاى بالشكل ده؟! وللا دى جهة معمولة للقضايا اللى بالملايين، مش مفروض دى تبقى ف إدارة الكسب غير المشروع؟! طب و المواطنين البسطاء يروحوا يشتكوا إزاى إن كان الباب مقفول بالمفتاح و ماحدش بيدخل إلا بعد مشاورات و اللى هناك بهاوات؟! و إيه اللى بيحصل ده لما المواطنين بيقضوا مصالحهم ف زرايب و الرقابة على الفساد الإدارى ف فيلل و أبراج عاج؟؟!! البلد دى حالها عجب و العالم دول مستعملين على خراب كل حاجة و كل حد عدل فيها، مش عايزين يفضل فيها غير الفراشين و السعاة و الشغالات و الجهلة و الكتبة و البيبر بوشرز، مش عايزين يستنى فيها ولاد ناس أبدا عشان ما يدافعوش عن نفسهم و يحاسبوا العالم دول، بجد فى عملية تهويد خفية لمصر زى ما فى عملية تهويد صريحة للقدس، مش بس ف الأملاك و الأراضى، لكن ف البشر، بيخربوا ف البشر عشان ف الآخر الألاضيش البهود بتوع إسرائيل يبقوا أسياد و المصريين إما عبيدهم من ذوى القدرات المحدودة أو شياطين و ارهابيين من المعارضين لهم أو الملاك علية القوم من جوقة المسبحين بحمدهم و الحاصلين على فتات موائدهم، مش ممكن الحال اللى بيحصل ده لما أنا دايخة بقالى سنة على حقى ف زريبة و اللى مرتباتهم م الضرايب اللى بندفعها ف فيلل و تكييفات و قافلين على نفسهم بالمفاتيح، ظهر الفساد ف البر و البحر