أنا مش معاهم

شفت الفيلم من يومين و خلاصة الكلام بعد الرغى الكتير و اللف و الدوران، أنا مش معاهم أنا معاكى، مطرح ما تروحى أنا وراكى، يعنى وجودك ف بيتك بس يا مواطن، عيش مع مراتك و خلف عيال زيك و روح شغلك و إمشى جنب الحيط، دينك حجاب مراتك مش دقنك السنة حتى، إنتمائك لبلدك ماتش كورة مش إنتماء لتيار سياسى و للا مشاركة ف الحياة السياسية بإنتخابات و للا مظاهرة و لا أى رغبة ف التغيير لإن ليس ف الإمكان أبدع مما كان، أى نوع من أنواع الإنتماء السياسى مروق و تخريب، و فى أفلام أخرى يستدعى التنكيت و المظاهرات مش أكتر من طريقة للتلزيق ف النسوان. بعد ليلة سقوط بغداد كان لازم الكرو يكفر عن سيئاته و يبدى ولائه للنظام مرة أخرى، و كلها سيما.
- ما عنديش أى نوع من أنواع التعليق على اللى حصل لقافلة المساعدات لغزة