كلها كام سنة

ف الأسبوع اللى فات كنا فى الساحل، كان أسبوع بقدرة سماوية كده خفيف و لطيف و عدى على خير، المهم ف معرض حديث جبنا سيرة فلسطين و اللى بيحصل فيها، و كان الكلام من ناحيتهم أن اللى فيه الفلسطينيين ده منهم و إن حماس هى اللى قافلة غزة و إن الحكومة المصرية الغلابة هما فاتحين معبر رفح و الغزاوية اللى قافلين من عندهم!!!!!! و إن حماس زيها زى فتح هما أصل بلوة الشعب الفلسطينى الغلبان، كان ردى إن العرب فيهم خصلة مدهشة و هى إن الواحد فيهم لما يلاقى شمطة فيها مجرم و فيها ضحية على طول عشان يخلص نفسه و يريح دماغه بدل ما يهز طوله و يعمل اللى عليه و يحق الحق و تكاله على الله، يتهم الموضوع كله ف الضحية و تبقى هى اللى تستاهل كل اللى بيتعمل فيها، من ضمن الكلام اللى اتقال إن الفلسطينيين هما اللى باعوا أرضهم ف تمانية و اربعين، كلها كام سنة و الكلام نفسه يتقال ع المصريين و فوقيه إنهم كمان باعوا عرضهم

سمعت النهارده بس ف صباح دريم عن موضوع خالد سعد، لا تعليق