الأرض ثائرة

لسه إمبارح عاملة حسابى لما ارجع من بره النهارده أكتب بوست عن الخبرين اللى قريتهم ف شريط الأخبار ف الجزيرة إمبارح عن زلزال اليابان بدرجة سبعة ريختر و الأدهى جبل جليد بوزن "مليار طن" إنفصل عن القطبية الجنوبية، أنتارتيكا أظن، لسه كنت حكتب النهارده عن المصيبة اللى ممكن تحصل لما حثيثا حثيثا يتحرك و يقرب من عندنا و شوية شوية يسيح، الفياضانات و الكوارث اللى ممكن تحصل من على الأقل نص مليار طن مية تنضاف للمية اللى حوالينا، لسه ما مرتحتش بعد مارجعت و ببص ع الجزيرة و ألاقى زلزال تمانية و تمانية من عشرة ف شيلى، كوارث طبيعية، مش حنكلم عن شوية المية اللى إندلقوا عندنا يوم الخميس، و لو إن الرعد كان زى ضرب الرصاص لكن بالنسبة للى بيحصل دول كام جردل مية، لكن الملحوظة هى الجو كان عامل إزاى قبل و بعد السيول دى، صيفى حار قبل و بعد، إمبارح الدنيا كانت برد لكن الأربع و النهاردة الدنيا كانت حر، الجو غريب و الطبيعة باين عليها زهقت منا خلاص، ياترى فعلا تو ثاوزند آند تويلف حتحصل كارثة فعلا؟ المنظر كده إن فى ثورات طبيعية لسه جاية، الحنان و الرحمة من أمنا