وزير الضرب و التهشيم

حد ف الدنيا يجيب ابن زكى بدر وزير تربية و تعليم؟؟؟!!!!!!!!!!! هل ممكن يحصل ف حتة تانية ف الدنيا غير ف البلد دى إن مدرس يضرب عيل "عنده سرطان"!!!!!!!!!!! عشان هوه و الفصل كله ما عرفوش يحلوا مسألة، و المدرس متبلغ من الأم بإن الطفل مريض بالسرطان ، و لما الأم تروح تشتكى زى ما إكلمت ع التليفون على الحياة يكون الرد عليها من المدرس و الناظر سوا "الوزير أباح الضرب إضربى دماغك ف الحيط" ؟؟؟؟؟!!!!!!!!!!!!!!!!! هما دلوقت بقوا زى إيام فرعون ما بيستنوش لحد ما العيل يكبر و يبقى نبى يقرفهم بقوا عايزين يكسروا دماغات العيال من و هما ف المدارس عشان لما يكبروا ماحدش فيهم يقدر يقول بم؟؟؟؟؟!!!!!! هوه ده تطرير التعليم اللى خاوتينا بيه؟؟؟؟؟؟؟؟؟!!!!!!!!!!!!! يعنى الطبطبة لولاد العز و الضرب و التكسير لولاد الإيه؟؟؟؟؟!!!!!!!!!!! عيل عنده سرطان!!!!!!!!!!!!! و حفضل أحط ف علامات إستفهام و علامات تعجب كده لمالا نهاية ف الموضوع ده لإنهم مش بس عملوا الكارثة دى ف الولد و شرخوله دراعه لكن كمان لما الأم اللى بتشتغل ف جهة تابعة للمدرسة بقالها سبع سنين إشتكت هدودها ف رزقها و فجأة شافوا إنها لا تصلح للعمل اللى بقالها فيه سبع سنين!!!!!!!!!!!! كل مولد نبى و مصر و المصريين طيبين و يفرحوا برضا ربنا عليهم اللى بقى كل مولد يبعتلهم سيول بالزوفة تغرقهم ف الخير و توفرلهم الكهربا و تنورلهم البلد كلها بالصواعق