حاجة عجيبة

رحت امبارح عشان اعمل عملية السبايينج لإشطة (بس لسه ما عملتهاش حروح بكره عشان اعملها) ف المستشفى الحكومى اللى ف العباسية ف السكة البيضة، كنت عملتها قبل كده بس طلبت ما اشيلها الرحم و المبايض طلبت من الدكتور يشيل الرحم بس عشان ما تخلفش لكن تبقى براحتها ف الميتينج، ده كان من ست اشهر، مرة و التانية و ما بقيتش عارفة الاقيلها ميت، و للا اما تكون لعنتى صابتها هى راخرة، و الله انا حاسة انه عشان ارفى بس سلطوا الكل ما حدش يدينى قطط، المهم من اول ديسمبر و هى بتعوى عايزة تجوز و عواها رهيب، الجعورة الحديدية، على هدؤها اللطيف ف العادة لما تجوع أو تبقى عايزة تميت بتبقى لا تطاق، لدرجة بسيبلها الأوضة و اروح افرش و انام ف الأنتريه عشان ابعد عنها خالص، فالمهم الكل هناك قالولى إن العملية كده غلط و لازم الموضوع كله يتشال مع بعضه مش حتة و حتة لإن المبايض دول زى حبايتين اللوبيا و كده يضمروا و عملوها اضطراب هرمونى، فالعملية حتتعمل تانى، ما حدش عارف حاجة و اللى بيدفع التمن هما الغلابة دول، المهم و انا راجعة عند الملف و قدام شركة المقاولين لزم الطريق كله بطول خمسين متر مكسور خالص ما يتمشيش فيه، مش عارفة سايبينه كده إزاى، على كل كان طريق العين السخنة من عند كارفور كده و اصلح، على الله يصلحوا ده كمان