Various subjects

- to those who portrait not feeling pain on this earth as the ultimate joy and the ultimate strength, I say, if you can't feel pain you can't feel pleasure, it's all a part of Feeling, it's all a part of having a nervous system, it's all a part of being human, and on this earth Feelings are the ultimate treasure any human can have.
- يتصالحوا الكبار و طظ ف الصغار، لقاء حميم بين الشقيقين القائد المصرى و نظيره الجزائرى، بعد بهدلة المصريين ف الجزائر و السودان بسبب إهمال الحكومة ف رعاية رعاياها، و يكلفوا نفسهم و يشغلوا بالهم بيهم ليه من أصله، ما هم أكتر م الهم ع القلب، خير و بركة خليهم يخفوا شوية، حنأكلهم منين؟ المهم الشقيقين إتصالحوا و حنخسر بعض على شوية بهايم، هوه صحيح ليه كل رؤساء الجمهورية ف مصر من ساعة الثورة عساكر من قاع الريف؟! عايزين حد م البندر بأه و ما يكونش عسكرى، ماله البرادعى، فلة، راجل مثقف و قانونى و بالتأكيد حيعمل طفرة ف مصر لمجرد شخصيته المنظمة المثقفة المتنورة المتعددة الإهتمامات و أسلوب حياته اللى اتعود عليه بره و اللى بيعتمد على التخطيط و الإجتهاد مش الفهلوة و الديكتاتورية بكل ما يصاحبها من بلاوى
- نجيب ساويرس امبارح ف او تى فى يظهر شغل اسطوانة تحيا مصر من ساعة حكاية فرانس تليكوم، ف بلدنا اللى عادة بيبقى برنامج بيقدم المشاكل جايبين إمبارح فيه واحد بيقول إن صورة البوليس السيئة ف مصر جاية من سوء تفاهم و غلطات متبادلة من الطرفين! يعنى الشعب راخر غلطان ف حق الحكومة! حقكوا علينا، حنمشى و نسيبهالكوا و ابقوا دوروا على بهايم تانيين تحلبوهم و تعيشوا على قفاهم، واضح إن التمن بيدفع عشان التمديد أو التوريث
- عايزين البوليس يبقالهم صوت إنتخابى، عشان يبقى ولائه لوطنه مش للقمة عيشه، طبعا هوه ده السبب بدليل انهم عايزين يعملوا القانون ده دلوقت بالذات قبل سنة من الإنتخابات، و طبعا كله موافقة ف مجلس الشعب زى المادة حاجة و سبعين