الكلام لطوبة و الفعل لأمشير

يا فتاح يا عليم، دول يصحوا يقولوا يا شيطان يا رجيم، الساعة بتاعة الديش ملخبطة فلما بجيبها على القنوات المصرية بتتظبط، قوم كلام عن ان مافيش حاجة اسمها عانس لا ست و لا راجل حتى لما الست تكبر اوى و دى كلمة مش مقبولة، ده فرخندة حسن و علاء مرسى اللى بيكلموا، و انا مالى بالنكد ع الصبح، انشالله ما الساعة اتصلحت، ف لحظتها من السبات العميق الخبط يشتغل آل ايه بينفضوا، و دى وسيلة من وسائل التخطيط تحت اى مصيبة يحبوا يلزقوها ف دماغى، آدى الجعير اشتغل م الشارع الله يلعن ابوهم، المهم قلت ساعتها الكلام لطوبة و الفعل لأمشير، و ده بالظبط اللى بيتعمل دلوقت، بيغسلوا وشهم ادام الناس بره و بالوش التانى نفس السفالة معايا و لا فيها اى تغيير، المهم قلت سيبك و طفيت التليفزيون و ريحت نفسى و قعدت ادور على الأوتيلات ف الساحل، فنادق الإسكندرية مصر، أول موقع ترافلبيديا، فتحته لقيت فيه شاركنا الإستطلاع، عشان نعرف مين اللى بنخاطبهم إدينا الفئة العمرية بتاعتك، ذكر من 15 ل 19 او من مش فاهمة ايه لفاهمة ايه و لحد ذكر فوق الاربعين، و بعدها نفس الفئات للستات، بس جنب الست اللى فوق الاربعين سمايلى بينوح و فاشخ بؤه و بيعيط!! بالذمة بأه لما شوية عيال زى دول، لا يفهموا عيلة و لا استقرار و لا اخلاق و لا اى حاجة من بتوع البنى آدمين، بيقضوا حياتهم يقربعوا سم هارى ف اكبادهم و للا يبلبعوا و لا يتعاطوا و مع الشراميط و قاعدين على كومبيوتر ف بالونة بلاستيك معزولين عن اى شىء يربطهم بالإنسانية و يهدموا ف حياة الناس! حمار مين اللى يدى الدنيا لناقصى العقل و الدين دول عايزة افهم؟؟!! ما انت لو بتفهم ف العلاقات الإنسانية كنت تفهم انتوا حبستونى الحبسة دى و حرمتونى من ايه و بعدين عمالين واخدين الموضوع نكت، هوه شعب مات و كلهم بقوا حرامية و ما يعيش وسطهم إلا اللى زيهم، كبيرهم اسفلهم و هما من تحتيه بينهبوا الفرافيت، كل فى موقعه، آدى كمان، بعد الخناقات اللى دبيتها عشان آخد الإقرار من أهلى و اديته للراجل عشان الترخيص، آدينا مركونين بقالنا اسبوعين عشان الدراسة بتاعة السيد المحافظ تراخيص البنا و التعلية موقوفة ف كل الأحياء، اكلمت ف الحى عشان أسأل ليه التأخير و إمتى بأه نخلص لقيت ان كمان الإرتفاعات المسموح بيها للعماير و هى مرة و نص أد عرض الشارع بيدرسوها!! اقسم إن الموضوع ده لو حصلت فيه لعبكة يبقى معمول مخصوص عشانى، انا كده ع القانون ليا كمان دورين، ييجوا بأه يعملوه مرة بس عرض الشارع، يعنى تبقى العمارة اللى جنبى بقالها مليون سنة مخالفةعشر ادوار و انا بسبب الدراسة المجهبذة بتاعة اهلهم عمارتنا تبقى خمسة بالأرضى و الأمل الوحيد ليا انى أحسن حالتى المادية يشطبوه بجرة قلم من عيل فاضى سايبينه يلعب ف مصاير الناس، مالهم و مال البنا القديم، القديم يطبق عليه قوانينه، يعنى يبقى زيى زى باقى العمارات ف نفس المنطقة اللى ظروفهم سمحت و بنوا كل الأدوار بتاعتهم ف نفس الوقت، طبعا لو حصل كده محدش حيسكت و أول ما سمعت كده بعت لكل البرامج الحوارية ف القنوات الفضائية بإفتراض إن الجوابات حتوصل و حال النت عندى بالشكل ده، لو فى مظاهرة و الله لروح فيها لكن العمر حيضيع منه كمان اد إيه ف لعب العيال بتاعهم ده؟! آدى الست الوالدة المحترمة تمانينية العمر أول قبل حتى ماحط علامة الإستفهام أول م دخلت عليا النهارده الساعة عشرة و نص و هيا بتصحى قبل كده بساعتين "صباح الخير يا ننو، تاخدى حتة بطيخ؟!" و شايلة ف ايدها طبق البطيخ الأحمر اللى بياعينه كل يوم أجازة جمعة الصبح الساعة تمانية زى نوبة صحيان جوانتانامو ييجوا ينادوا عليه من غير ميكروفون و لا دياولو، صوتهم يصحى الميتين، أمى الست المحترمة اللى شعرها شاب من الحكمة، المهم، يلعن ابو اللى يحط مصاير الناس ف ايدين السفهاء ناقصى العقل و الدين ايا كانوا