يخرب بيت دى كلتشر

بموت ف أى حاجة فيها أشباح و عفاريت، بدام ما فيش دم و عك و مناظر مؤرفة بحب أوى المنتال هورر، فعلى الإم بى سى آكشين بيجيبوا حلقات ظريفة إسمها كينجدوم هوسبيتال، عن مستشفى مبنية على مصنع محروق و كلها سكناها الأشباح، شوية مناظر جراحة بلودى بغمض فيهم عنيا و بقية الحلقة أشباح و سايكيك و حاجات لطيفة أوى، حلقة النهارده كانت عن واحد لاعب بيز بول خسر فريقه بسببه البطولة من سنة سبعة و تمانين و من ساعتها سموه بتر فينجرز لإن القطيع بقصور فكره حكم على لاعب البيسبول ده بأنه نحس فرقتهم من سبعة و تمانين لحد ألفين و سبعة مثلا من غير ما يكسبوا بطولة واحدة، يعنى كالعادة عملوه كبش محرقة لخيبتهم، الحكاية إن حالة اللاعب ده تدهورت من ساعتها من سيىء لأسوأ بسبب إضطهاد الناس ليه، حتى مراته حتى ف المدرسة اللى راح يحاضر فيها حتى ف الكنيسة كانوا يسموه بتر فينجرز و يحدفوه بالكور و يقولوله كاتش، ريمايندز يو أوف إنى ثينج؟؟ فافتقر خالص و بقى سكير و خمورجى و لو كان ف مصر كان إشتغل رقاصة بشرفه، المهم ف الموضوع إنه إنتحر و ضرب نفسه بالرصاص ف دماغه بس ما ماتش، لكن كان مهدد إنه يفضل محبوس ف هيز وورست نايت مير للأبد، على حسب كلام السايكيك اللى ف التمثيلية هيز سول كان بى ترابد إن ذا مش فاهمة إيه البورجنيان ريلم، فعشان الأرواح الطيبة اللى ف المستشفى تساعده و تخرجه من أزمته آل تعمل إيه؟ مش تفوقه و تلعنله أبو خاش القطيع الفاشل اللى بيتغذى على نجاحات غيره و ياكله لحم و لو فشل يرميه عضم، فوق لروحك يابنى و بلاش زى ما ف كل الحلقة كده مستسلم و محبط لإضهاد عالم هو دونت دو نوثينج بت سيت أون ذير آسز آند جدج بيبول هو آر إن ذا فيلد أوف باتل، لأ، الأرواح الطيبين أوى دول كل اللى طلع من ذمتهم إنهم آل إيه ريفرسد تايم و خللوه يمسك الكورة المرة دى و فريقه يكسب!! يخرب بيت دى كلتشر!! و جرى إيه يعنى لما البنى آدم مارس حقه ف الخطأ زى أى هيومان؟! خربت الدنيا؟! ماتش و راح و اللى خسروا فلوسهم ف الرهان أحسن عشان يتعلموا مضار الرهان و القمار، و هوه ده بنك رايحين يحطوا فلوسهم فيه؟! ده قمار و مراهنة، مش بدل الأرواح دى ما تقوله روح يا خيبان يا عبيط من أول يوم إكتب كتاب عن تجربتك و سميه مثلا أون ذا لوزر سايد أو باى ذا آى أوف آ لوزر و إكتب عن كل الهجوم اللى قابلك لمجرد خطأ آدمى و فساد الوينينج كلتشر و قدمه لأى دار نشر حتتلقاه و تنشره زى الفل، ف الظروف العادية طبعا بدام مافيش حد واقفله هوه بالذات بالمرصاد عشان يخربله الدنيا، و حتلاقى مليون زيك ف نفس ظروفك و بيعانوا برضه من إضطهاد المجتمع عشان وحشين و للا تخان و للا رفيعين وللا ما لهمش ف الجلامور و البوبيولاريتى، مليون حاجة آدمية تماما لكن ف مجتمع و عالم أصبح كل شىء فيه من السرعة إنه بقى بيطحن الرتم الآدمى و من لا زالوا يعيشون به و يتغذى على اللى بيطحنهم بقت الأدمية و ضعفها الطبيعى من مرض و فشل و خوف و إفتقار لجمال نجوم السنيما عار و خسران!! لوزر!! وينر!! طب ما الحياة مكسب و خسارة، المكسب اللى على طول يبقى غير شرعى و الخسارة اللى على طول معناها مجتمع فقد رحمته يعنى فقد آدميته، و إيه الإستسلام لشراسة القطيع دى؟! دافع عن نفسك، ما تخليش شوية متفرجين يهدمولك اللى بنيته ف حياتك، دى الكلتشر اللى مفروض تواجه الكلتشر الهدامة بتاعه القطيع اللى يمص دم البنى آدمة من دول و بعدين يعمل أفلام يتباكى فيها عليها، المهم يموتها الأول و بعدين بقى يعض على أصابع الندم بعد كده، كلتشر ما ينتجش منها غير أفعال إنتقامية لا مسئولة هدامة و كوارث من وراء العقل و المنطق زى اللى مالية البلوج دهملحوظة: مشمشة حفيدة سوسو و نونة اتوفت إمبارح، بعد شهرين من عذابها و عذابى ف علاج عينيها و غسيل وشها بالمية و الصابون و تقطير القطرة ف عنيها لحد ما الإلتهاب خف و بقت بتشوف طشاش إمبارح ماتت بكل بساطة بطريقة مش عايزة أكلم عنها، يمكن بعدين، شهرين و هى عمالة تستحمل كل العلاج ده و كره القطط للمية و الأدوية و أنا أتخربش مش مشكلة بس المهم إنها بقالها فوق الأسبوع و عنيها مش فيها إلتهاب زى اللى ف الصورة ده، و بعدين أول ما ابتدت تعيش و تتحرك على أدها و عذابها يروح و تنبسط شوية ماتت، أنا حاسة إن نهايتى حتكون زيها كده، الدنيا لو حنت عليا و خلصتنى من العالم دول حاسة إنها مش حتحن عليا و تسيبنى أعيش يومين مرتاحة بعد ما يسيببونى، لو سابونى، المهم يا مشمشة تكونى مبسوطة و عنيكى زى طبق الفنجال دلوقت و عمالة تلعبى مع الصغيرين اللى زيك