Bobs

امبارح صحيت م النوم الساعة سبعة ولعت الديش، لقيت ع الإم بى سى تو دوكيومينترى عن شخصية ماكنتش اعرفها خالص، روبرت ماكنمارا، من الساعة إلا ربع اللى شفتها م الفيلم فهمت إن هذا الشخص صاحب قرار رمى القنبلة النووية على هيروشيما، و بعدين رئيس مجلس إدارة فورد و بعدين سكرتيرى أو ديفنس أيام جون كنيدى، جملة قالها نقلا عن الجنرال أبو سيجار اللى هوه صاحب القرار الفعلى للقنبلة، مفروض ماكنمارا هوه رئيسه اللى ورا القرار ده، ابدى إمتعاضه من عدم تحقيق نتيجة ف الحرب فالتانى ده ابو سيجار مفروض إنه خد قرار القنبلة، المهم الجملة اللى جرت على لسان ماكنمارا نقلا عن بويل و للا دويل و للا كيت أن ما معناه "إف وى هادنت وون ذا وور وى وودف بين ترايلد آز وور كريمينالز، وينينج ميد وات وى ديد إيثيكال"!! واضح إن الجنيريشون اللى لسه بيحكم العالم خريج مدرسة الأخلاق الحميدة بتاعة كامو ف "ذا فال" بكل الملخص اللى كتبته ف البلوج التانى، الراجل الديمنتد ده ما اتهزتش فيه شعرة و هوه بيكلم عن الملايين اللى ماتوا ف القنبلة و لما جت سيرة موت جون كينيدى و دفنه ما كانش قادر يكمل الكلام و اتخنق بالعياط!! اتنين من عيلته جالهم قرحة، مراته و واحد من عياله، متهيألى لو بنى آدم طبيعى و عايش مع شخصية سيكوباتية زى ده بتعمل كل الأفعال دى بمنتهى الإستهانة لازم يمرض، مفروض إنه كان المشرف على اختراع السيفتى بيلت ف العربيات، مفروض ان كان جزء من التجارب اللى اجروها عشان يكتشفوا اثر الصدمة على ركاب السيارات هوه رمى جماجم بشرية ملفوفة لفات متعددة من القماش من سلم عمارة! معرفش إيه ملابسات الموضوع ده بس كان بيكلم عن الموضوع بمنتهى البساطة و الفيلم عمالة صور تتتابع لجماجم عمالة تسقط من اعلى و تتفشفش!! نوع من التمجيد لعبقرية الوحشية للعقلية الفذة دى!! واضح ان ف سدرة المنتهى لرئاسة مجلس ادارة العالم عالم مثلهم الأعلى هوه سوبرمان نيتشه، لا يحفل و ملؤه استهانة بالمخلوقات الدنيا، يعنى البنى آدمين العاديين اللى زينا كده، اللى بيحترموا العواطف و الرحمة، و دى الألوهية بالنسبالهم، انعدام الرحمة، و كل ماخلى قلب واحد منهم من الرحمة و اتملى بدل منها بسخرية و استهانة من عذاب البشر رفعوه على راسهم و عملوه اله، المهم الوينينج، وينينج ويل ميك ات اثيكال! ده ف اى منطق ده!! ف منطقهم المختل طبعا لكن مش بمنطق العقل و الآدمية، ندى مثل بسيط، لما ييجى راجل كبير عايز يعتدى على طفل، او يعتدى على واحدة ست عزلة و يجبرها بالتعذيب على الدعارة، بفرض ان المختل ده حقق هدفه، اعتدى على الطفل و الست و رماهم ف شبكة رقيق ابيض و ماحدش عرفلهم طريق جرة، عملة زى دى ممكن بنى آدمين ممن يطلق عليهم مسمى بنى آدمين مش بنى آدمين ظهورات، ممكن يقرها و يتجاوزها و يتعامل بأريحية معاها بنى آدمين؟! بالتأكيد لأ، أهوه المختل حقق هدفه و فاز، هل فوزه ممكن ف يوم م الأيام يخلى عملته دى مقبولة ف وسط بنى أدمين مش وانا بى حرامية و مش عارفين فأى حرامى مبدع بيسيطر عليهم و بيوافقوله و يتجاوزوله و يصفقوله على كل ابداعاته ف الوحشية؟! لا يمكن، الحق حق و الباطل باطل و القوة بتخلى الباطل لا يعاقب فقط لكن عمرها ما بتحوله لحق، مش مطلوب اكتر من حد عنده ذمة يرفع صوته و يعترض و ف ثوانى الامبراطور حيكون بلا ملابس، السكوت و الخوف هما رداء السفالة و سترها و شرعيتها، عشان كده اول ضحايا السفلة هما اصحاب الذمة و الرأى الحر، ارسطو مات ازاى؟ لو الدنيا فيها مليون ارسطو ما كانش ارسطو مات و ماكانش واحد زى بوب ده اتعاجب باختلاله كده

صك العبودية للمرة المليون: فاتن رضا، كمان واحدة من ضحايا حاملى صك العبودية، حاملى الجنسية المصرية