أحفاد سوسو

سوسو بوسو جدة، متهيألى مش أول مرة لإن قبل كده كان ظهر ع السلم قط اسود صغير أو قطيطة مش عارفة و فضل مدة ييجى م المنور عشان ياكل مع بقية القطط و كان بيهانج أراوند مع قطقط صغير أده مشمشى بس بأه القط ده و نونة البيضة و كمان خنفور إبنها كلهم يا عينى اتوفوا ما فيش كام يوم بين القط و التانى، نونة بالذات اللى كانت مصيبة لإنها كان بقالها يمكن سبع أو عشر سنين من ساعة ماتولدت و هى عايشة عندنا ع السلم مش بتسيب بسطة البيت و لا بتهج زى بقية القطط اللى يا ما كتير جم و رحلوا، لكن نونة دى اصل القطط الموجودة عندنا ع السلم كلهم، و كلهم بيخلفوا من بعض يمكن عشان كده نسلهم ضعف، المهم القطيط الأسود كنت مسمياه سامبو بس بقالى فترة مش بشوفه بس ممكن أوى إنه كان حفيد سوسو من نسل حد من ولادها السود التلاتة اللى اتقتلوا، كنا نلاقيهم متوفيين ع السلم و لا فيهم أى حاجة، لا عيانين و لا واقعين من عندنا م الدور الخامس زى كتير من قططنا ماحصلهم، متوفيين كده، و هما التلاتة، كويس أوى إن واحد من نسلها دهبى و هو اللى خمسة و خميسة لسه عايش و هوه أبو الكتاكيت التلاتة من بنت نونة مشمشة أخت قشطة الأولانية اللى صورتها ف الألبوم التانى جاليرى وان، عرفت إنهم احفادها عشان البنت اللى فيهم يا ختى كتكوتة دهبى زى أبوها بالظبط، أهم ف الصورة اتنين ولاد برتقانى زى امهم و بنوتة دهبى زى ابوها، و صور البنوتة و واحد م الولاد معايا بأه، مانا الجريت جراند موذر بتاعتهم، بطاطيط و السلام