حدش واخد باله؟!

من الشرق إسرائيل و دلوقت من الغرب ليبيا و من الجنوب السودان! يا حلاوة! خليكوا على مهلكوا ع الآخر ف ميدان التحرير لحد ما المارينز ييجوا لحد عندكوا

ذا نيفر إندينج ستورى

يظهر العالم دول مستنيين يشوفوا القيامة حتقوم ف الفين و اتناشر و للا لآ، و برضه ساعتها مش حسيبونى، حياخدونى معاهم المريخ عشان يفضلوا يطهقونى ف عيشتى، واضح إنه بأه مزاج عندهم و اليوم اللى ما ينكدوش عليا فيه يبقى يوم مهبب عليهم

- أوبريان، المعذباتى من 1984، هارى (من الناموس هارى جتة فى كتاب أحمد رجب صور مقلوبة)، مسميات أطلقتها على اللهو الخفى، الجنى اللى عليا، مسمى حركى لأفراد النبطشيات كلها، و لو فيهم ستات يبقوا آيلين، آيلين وومس، أ ديتونا ليزبيان بروستيتيوت ويتش بيكيم آ سيريال كيللر - التخريب بسرقة الطباع، التخريب بالإحلال، التخريب بالغمر، كلها مسميات لعملية التخريب بالإستفزاز المستمر للحصول على رد فعل غاضب من طرف لا يملك القدرة على الدفاع عن النفس بعدين إما مقابلته برد فعل أسفل و إتهام الطرف التانى بالإجرام من منطلق البلطجة و إن الطرف ده لا يملك القدرة على الدفاع عن نفسهم أو مقابلته باللامبالاة حتى يزيد فى غضب الطرف التانى و احساسه بالقهر أو مقابلته بادعاء الطيبة و التسامح التى كان الطرف المسالم يتحلى بها حتى وصل لدرجة الغضب، يبقى سرقة الطباع - أورويليان سوسايتى، المجتمعات الإسلامية مجتمعات أورويلية نسبة لجورج أورويل مؤلف 1984، فيها كل مقومات ذلك المجتمع، الثوت بوليس، النظرة الأولى لك و التانية عليك، لا يحق للمسلم التفكير فى كينونة الذات الإلاهية، ليس للمؤمن من رأى إذا قضى الله و رسوله شىء، إن الله يغفر الذنوب جميعا إلا أن يشرك به شيئا، واحد أحد، الحاكم الأوحد و الدكتاتور الحبيب، الجبار الغفور، بيج براذر، سكس بوليس، الحب عليه ف الإسلام مليون تابو، الطاعة العمياء هى أساس الأديان الذكورية، ما عرفش غيرها، ف الإسلام بالذات حتى العبادات محاكاة، الصلوات روتينية بحركات محفوظة بأيات محفوظة فى أوقات محددة، مش من القلب بكلام عفوى يخللى الواحدة تحس بعاطفة، أنا عن نفسى مع حبى للصلاة وقت ما كنت بصللى أوقات كتير كنت ببقى شديدة الزهق من كتر التكرار ف الأيات و الروتين كل يوم و كنت ساعات بقطع لأيام كتير، حتى الحج محاكاة، الحركات محفوظة و الأدعية محفوظة و الخطوات محفوظة، نام على جنبك اليمين، خطى برجلك اليمين، ربى دقنك تشبها بالرسول، الأوفرول الشيوعى بتاع 1984 بداله الحجاب و النقاب و الدقن و السبحة و الجلابية، كتر الحفظ بيشجع ع الغباوة، بيخللى الملكات العقلية تضمحل و المواهب الفردية تندفن لإن ما لهاش مكان فى مجتمع نمطى ميدييوكار، أى حد بيعمل شوية حركات ف الصلاة و يتمتم بشوية كلام مقولب كل يوم و يلتزم بسلوك نمطى خلاص بأه أو بأت فرد مقبول من المجتمع و ضمن الجنة و خلصنا على كده، عشان كده المجتمعات الإسلامية تدهورت، ماشى ماليزيا و أندونيسيا و ممكن إيران مجتمعات متقدمة تكنولوجيا و بالتالى إقتصاديا، رأييى إن وجودهم وسط الحضارة الأوربية و الأسيوية غالبا السبب فى تميزهم مع إعتناقهم لدين نمطى، طب ما افغانستان ف نفس المكان؟ متهيالى إن الحرب و التنازع على الموقع سبب الحالة اللى وصلتلها أفغانستان و لو كانت البلد ما ادمرتش بالحرب متهيالى كانت الحضارة حواليها حتشدها من النمطية، طب و باكستان؟ باكستان على كل المشاكل اللى فيها لكن فيها تقدم تكنولوجى و علمى، ممكن تكون فى تفاصيل مش شايفاها و طبعا محتاجة كالعادة أتناقش ف المواضيع مع واحدة فاهمة او واحد فاهم و كالعادة نو وان أراوند إلا النمطيين، و اللى مش نمطيين سفاحين، عشان كده بحب اسمع المناقشات ف أصل المواضيع بالذات من عزمى بشارة و عمرو حمزاوى، بستفاد جدا من كلامهم، بغض النظر عن بقية الكلام متهيألى إن نمطية الدين اللى لسه اللى ف المنطقة هنا مصرين عليها لسبب أو لآخر هى السبب الأولى فى تخلف المنطقة و إنغلاقها على نفسها، و من جاور السعيد يسعد لكن هنا فى المنطقة دى اتلم المتعوس على خايب الرجا، و إن سبب تقدم الدول الغربية تخليهم عن تنميط سلوكيات أفراد المجتمع و إطلاق العنان للتفرد و بالتالى الإبتكار مع الإلتزام الجاد بالقانون و الأهم بالإنتاج - فاكرة كويس إنى ناسية حاجة كنت عايزة اكتب فيها بس مش فاكرة هى إيه، عشان كده دايما بحاول اكتب اللى ييجى على بالى ف ورق ضغنن جنبى ع السرير، بس ساعات ببقى بنام أو مش ليا نفس أكتب فبنسى نقط مهمة بتبقى عملة زى اللايت بلبز بلليل كده، لما افتكرها ابقى اكتبها

أمثال

ع الباب واقفة ضرتى عايزة تبوظلى طبختى

و يقال فى من قريب فى الجوار للبنى آدمة مثل قرب جوار الضرة التى تسكن نفس المنزل و فى ذات الوقت تبغى إلحاق ابلغ الضرر بتلك البنى آدمة، و الله اعلم