النمطية و التطور السليم للقدرات العقلية للبشر

النمطية بتعلم الغباوة، ده الإكتشاف اللى إكتشفته دلوقت و انا با اعمل عقلى ف شئون الحياة كعادتى لما أكون لوحدى، و بما إنى دلوقت من ساعة إشطة ما بقت بتنام معايا ف الأوضة بقيت بصحى الساعة ستة و ساعات اربعة الفجر فبقيت ساعات فترة رقادى ف السرير دى دماغى بتشتغل كالعادة، المهم، النمطية بتعلم الغباوة، لإن البنى أدمة بتلاقى روحها شبت فى مجتمع مقولب يا تتشكل حسب القالب النمطى المجتمعى السائد يا تعامل معاملة المارقات بما يصحبها من تحطيم و تجريم معنوى كلنا عارفينه، و كالعادة لما بكلم بصيغة المؤنث ف القضايا العامة مش بقصد بيها الستات بس لكن العموم عملا بمبدأى إن أصل الأشياء مش الذكورة، يعنى لو واحد جاى أو واحدة لزبيان، أو واحد بيفضل الخضوع لشريكته زى الصورة اللى نشرتها قبل كده و جاهروا بطباعهم ف مجتمع نمطى زى مجتمعنا بالتأكيد بيتم لفظهم علنا، لكن من تحت لتحت كل شىء مباح، فالنمطية مش بس بتعلم الغباوة لكن كمان و بالأخص بتعلم النفاق، القدرات العقلية للبنى آدم بتتوقف عن التطور لإن البشر من دول بيطلب منه ينسى تفرده و يشكل نفسه على حسب القالب السائد ف المجتمع النمطى يا إما يتم لفظه من المجتمع بما يتبع ده من تنكر الأسرة و الأصدقاء و عدم الحصول على عمل و الدفع للحياة ف الظلام زى بتوع مركب كوين ودول ضاعوا مش لإنهم جاى لكن لإنهم مش جاى حكومى و إتصرفوا بحرية و عملوا تجمهر من نفسهم و ما التزموش بالأماكن المتعارف عليها لهم و يمكن الحكاية كلها كانت فرقعة إعلامية لشغل الرأى العام عن حاجة أكبر زى ما أنا حاسة كده إنهم عملوا فيا اللى عملوه من ضمن مليون هدف تمهيدا للبلاوى اللى بتتعمل ف البلد من كذا سنة و اللى يعترض آدى مصيره، فملكة الإبتكار ف المجتمع ده بتضمحل، زى العيال ف المدارس عندنا ما كل حاجة عندهم حفظ البنى حوا من دول كمان بتحفظ حياتها بسلوك معين و شعائر معينة و حتى مشاعر معينة مطلوب إظهارها من النمط اللى بتنتمى إليه، يعنى الأنا بتتنحى عشان القولبة تسود، بيتحول المجتمع لبركة من ماء راكد لإن المجتمع النمطى لا يقبل التفرد أو التجديد و إنعدام التفرد و التجديد و مسايرة تغيرات العصر معناه إنعدام التطور و بدام ما فيش تطور عقلانى أخلاقى مع الزمن يبقى المجتمع حيتحول لبركة ميه راكدة تتراكم فيه الأفكار البالية على مر دهور من رفض التغيير و بالتالى المجتمع كله حينتن بمعنى الكلمة، كل الأفكار دى جتلى و انا بفكر ف سؤال بقاله مدة محيرنى، إيه سبب الحالة اللى وصلتلها المنطقة عندنا؟؟ إشمعنى إحنا بالذات اللى بيتعمل فينا كل ده؟؟ إشمعنى منطقتنا اللى بيحصل فيها كل القهر ده؟؟ للى بيقرولى يمكن يفتكروا شعر الشعوب هى الشعوب، و ده كان رايى لفترة كبيرة من الوقت، إنه هات حتى فرنسا و للا هولندا و إقمع شعوبهم بالدرجة و الكيفية اللى شعوبنا بيتم قمعها بيها و حتلاقيهم يتصرفوا بنفس الدجانة و نفس الغباوة و الأنا مالية اللى بيتصرفوا بيها عندنا و إن السبب الوحيد اللى مخللى العالم اللى بره دول لا يتعرضوا لقهر من حكوماتهم هوه علاقاتهم الوطيدة مع اليهود و تقبلهم لهم ف حياتهم ف حين إحنا يا مسلمين إن ما كانش بالفعل و ميراث دهور من العداوة بينا و بينهم فا بالشرع اليهود هما ألد أعدائنا، لكن رجعت و بصيت تانى و لقيت إن السبب مش كده لإن الحكومات بره بتتعامل برضه بقهر مع شعوبها مش بنفس الدرجة لكن فى قهر، يبقى ليه لسه عندهم قدرة على تغيير الأمور و إحنا لأ على الإطلاق؟ لإنهم هناك مش بيستسلموا لأى بوادر القهر و بيجابهوه من الأول بعنف شديد بيخللى حكوماتهم تفكر مليون مرة قبل ما تكرر تصرف من التصرفات الشاذة الفجة اللى بقت روتينية عندنا لدرجة تثير الذهول و الجنون، و كلنا نفتكر رد فعل السود ف أمريكا على ما حدث لرودنى كينج و رد فعل أسبانيا على تفجير القطر و مقتل متين شخص فيه بفعل القاعدة و رد فعل اليونان الأخير على أذى الشرطة هناك لصبى مش عارفة الصراحة لحد دلوقت عنده ريكورد و للا لأ، و رد فعل سكان الجيتو ف فرنسا على كلام ساركوزى أيام ما كان وزير داخلية تقريبا، مجرد كلام جارح مش أفعال، تعالوا هنا بأه، ف مصر بس ألف إتحرقوا فيما يمكن أن يوصف بالهولوكوست المصرى و ألف غرقوا و شذوذ و سلخانات ف الأقسام بشكل ذكره ف الصحف ما بقاش بيهز شعرة من حد و تسيب مالوش مثيل ف المال العام و تدهور رهيب ف الخدمات الحكومية للمواطن يقابله عنجهية غريبة من السلطة لدرجة إن بيع مهندسة تتحلى بالسلوك القويم حسب منظومة المجتمع ده فى سوق الجوارى لم يلاقى أى رد فعل غير مصمصة أقل القليل من الشفاه على أفضل تقدير!! فيه إيه؟؟!! ده سلوك مجتمعى شاذ يدعو للذهول لما كل الكوارث دى تحصل و القيادة السياسية لم تتغير و باركين على أنفاسنا حيكمل ثلاث دهور و كمان توريث الحكم وارد و لا من معترض أو معارض حقيقى يذكر!! خد ف منطقتنا بأه، فضايح زى صور أبو غريب اللى ما حاولتش أبصلها أبدا عشان مش ناقصة حرقة دم لكن شفت صورتين منهم بالصدفة ف الجرنان و فيلم ليلة سقوط بغداد اللى بالمناسبة فيلم فيه لمحات من عبقرية وصف واقع تعامل و رد فعل المجتمع عندنا مع بلوة أبو غريب، كان رد الفعل إيه على فضيحة و كارثة زى دى تم تسريبها عمدا مع سبق الإصرار و الترصد من قبل الإدارة الأمريكية لصحفنا نكاية ف شعوب منطقتنا الداجنة، كان رد فعل الشعوب المسلمة إيه مش على مذابح أطفال فلسطين، لأ، كمان على حقيقة وجود الألاف و يقال عشرة ألاف اسيرة عراقية فى سجون الإحتلال الأمريكى!! دول بيتعمل فيهم إيه يا عالم؟؟!! التيران بتوع المارينز و الجيش الأمريكى بيلعبوا معاهم سيجا مثلا؟؟ على يدى بيحصلهم إيه و أنا كمان مش ف إيديهم فعلا و لسه ف أوضتى، كان رد فعل الشعوب العربية على البلاوى دى كلها إيه؟!! العالم اللى بيقدسوا العرض و الشرف لدرجة قتل الست اللى تمارس الجنس خارج إطار الزواج؟؟ قاموا كسروا الدنيا على راس حكوماتهم و أجبروهم و لو بالعصيان المدنى على تجييش الجيوش و الخروج لملاقاة الغزاة المعتدين على الشرف و العرض حتى أعراض الرجال؟؟ أجبروا حتى حكوماتهم بأكثر الطرق سلمية و هى العصيان المدنى و التجمهر ف الشوارع و الإنقطاع عن العمل و قفل حنفية المال السايب اللى كل إله بدرجة رئيس جمهورية ف المنطقة بيغرف منها لنفسه و أهله و حظوته و مريديه و أجبروا العالم دول على قطع العلاقات مع إسرائيل و حصارها بدون سلاح ف المنطقة لحد ما تذوى و تذبل زى ما الحكومات دول بيعملوا مع أفراد شعبهم المارقين بغرض تأديبهم و تقويم سلوكهم و سلوكهن المعوج و إعادتهم الى "حظيرة" النظام؟؟؟ كل رد الفعل بتاع المنطقة دى تمثل ف شوية مظاهرات جعجعوا فيها و فضفضوا و طروا على قلوبهم بالصريخ و الشعارات و روحوا بيوتهم بدل ما يتخانقوا مع بعض ع العيشة و اللى عايشينها أهم خلصوا الصريخ اللى جواهم ف مظاهرة على حاجة و إن كانت تمسهم بشكل مباشر لكن مش بنفس المباشرة و الحينية اللى بتمسهم بيها المشاكل الموجودة عندهم هما و اللى قلما ما بيعملوا عشانها مظاهرات، أما الحكومات فكان ردها البليغ نطورة الصور دى فى كل وسائل الإعلام المقروءة و المرئية و لو كان المسموعة كان يبقى أحسن عشان اللى ما شافش يشوف و اللى ما يشترى يتفرج علينا و اضرب ف المربوط يخاف السايب و إحنا اصلنا اشاوس و أهم حاجة عندنا كرامتنا، حتى م التلج و البرود حطوا المناظر دى ف أغنية!!!!!!!! مجتمع أصابته بلادة غريبة جعلته يطنطن بكل معانى الفضيلة و يتشبث بكل ما يعتقد أنه من مظاهرها ف الوقت اللى إمرأة متعلمة ذات سلوك قويم ملتزمة بكل عهودها مع المجتمع و الأسرة بتصرخ من الإغتصاب بقالها اتنين و عشرين سنة و بدل ما الفضلاء دول يساعدوها و ينصروها و يتصدوا للجريمة النكراء دى أو على اضعف الإيمان يسيبوها تدافع عن نفسها و تخربش اللى بيغتصبوها كان رد فعلهم الفاضل إنهم يكتفوها للمغتصبين و لو أصابتها حالة من الذهول و الجنون لأفعالهم الجنونية يلمحوا بكل بجاحة و بدون حتى الإلتزام بشرف المواجهة الى إنها مش آدمية و لا تستحق الدفاع عنها و تضييع نفسهم فيها، كلبة و لا تسوى، قال يعنى لو حد عامل الكلاب المعاملة اللى بيعاملوهلها حيسكتولوه، أو إنها سلوكها غير قويم و تستاهل تسلية البهاوات و السوقة على حد سواء من لحمها النجس كأن مجرد الأنوثة و حرارة الدم بقت تهمة تستحق الصلب ف البلد النجسة دى، و إن ما نفعش كل ده تبقى بكل تلميحاتهم الحصيفة العبقرية مجنونة و بيتهيألها كل ده و هوه حد قرب منك!!!!!! زى ما الست الموقرة والدتى و المفترض أخويا ما حد فيهم حطلى إمبارح شاكوش ف مكان تكييف الويندو اللى ف اوضتى اللى كان بيتصلح و جه إمبارح جه الراجل يحطه مكانه كان ممكن ينكسر، مين اللى عمل كده؟؟؟؟؟ مع العلم إن قبلها بربع ساعة أنا شلت الورقة اللى كنت مغطية بيها مكان التكييف و نضفت مكانه و لا كان فى أى حاجة من أى نوع و مسحت المكان بالكلينكس و نضفته بالبيبى دستر، إتعمشت أنا بأه؟؟ ما هوه مش مشكلة لو حد كان بيعمل حاجة ف البلكونة و نسى البتاع ده ف المكان ده مع إن التكييف كان ممكن ينكسر بالشكل ده بس الإصرار على الإنكار بطريقة إستفزازية، ما حطيناش حاجة إنتى مجنونة و بمنتهى المكابرة و العزة بالإثم من والدتى اللى شكلت حياتى على حسب رضاها زى معظم الأبناء ما بيعملوا و اللى خلتنى أجنن و يجيلى اللى جالى ف دماغى من أول يوم لما لقيت حيطة سد خالية تماما من المشاعر ف عنين اللى عشت معاهم عمرى ف امان الله بإعتبار إن مافيش بيت يخلو من المشاكل حتى لو كانت مورستانية زى اللى عندنا و ده كل ما كلم عن اللى بيحصللى او اللى حصللى، تعرفوا انا لو كنت شفت دموع ف عنين أهلى و هما بياذونى أنا ماكنتش إجننت، اقسم بكل عزيز و غالى ف الدنيا و بقبرى اللى حيلم عضمى إنى كنت بكامل عقلى لما ادركت اللى حصل و اللى إتعمل فيا و لا جننى و أفقدنى عقلى إلا توحش الناس اللى حواليا و خصوصا اهلى، انا كنت مرعوبة لكن رعبهم هما واضح إنه تخطى حدود قدرتهم على الإحساس و الرحمة الإنسانية بمراحل مذهلة خلتهم سابوا الجانى يجنى براحة راحته و مسكوا ف الضحية يمزعوا لحمة و هما فى شدة الأرف من إنعدام إحساسها اللى ما خلهاش تموت نفسها و لا تندعق بأه و تموت و تخلصهم من أرفها، مش لاقية حاجة أقولها و لو إن ما بقالهاش معنى ف عقلى إلا حسبى الله ف الناس دول، و الحكاية إن لعيبة البلياردو الفاشلين كانوا بيعملوا إمبارح البترفلاى إفكت، الصبح سى الدكتور يبعتلى ع الموبيل إنه جاى عشان نمضى الإقرار و الأجريمنت و بعدين ييجى بتاع التكييف عشان تحصل الخناقة دى و تفضل أمى اللى هى ف الواقع مرات أبويا و أبويا كان جوز أمى تستفزنى و لا تسكتش ابدا، اللى كل ما أتنرفز و للا اكلمها تدينى الطرشة و لا كأنى موجودة لحد ما اشتم و اسب و العن بالفاظ عمرى ف حياتى قبل الحادثة ما مرت ف دماغى أصلا لحد ما طلعوا عليا إن لسانى طويل و ده سبب برضه من الأسباب اللى يجوز عشانها تربيتى بالإغتصاب زى افلام البورنو اللى بتبقى ف مدارس البنات الداخلية، إن الله يكره الجهر بالقول إلا من ظلم يا مسلمين يا شرفا، المهم عشان لما ارد عليها تقوم حالفة إنها مش ماضية ع الإقرار، تخيلوا أم بتعمل كده ف بنتها!!!!!!!! مرات اب و للا لأ؟؟؟؟؟؟؟ ياما التمستلها أعذار عشان التربية اللى اتربتها و الظروف اللى مرت بيها لكن يظهر إنى كنت بظلم نفسى بالمسامحة دى، تخيلوا أم كل كلامها الناس بتعمل و الناس بتسوى لما أقولها بصى حواليكى بنت أخوكى و بنت أختك و مرات إبنك كلهم البنت زى الولد لها شقة من ميراث ابوها و واحدة منهم مليونيرة و لا واحدة منهم إشتغلت يوم ف حياتها و لا عملت قرش لروحها كله بالميراث، ده حتى الولدين ولادك كل ولد منهم الشقة اللى بانيها مش من فلوسه، كل شقة مبنية بتلاتين الف جنيه ف سنة تسعين و الفلوس كانت من تمن بيع حتة أرض ف مدينة نصر تمنها اتقسم علينا حتى أمى ساعدت كل واحد منهم بعشرتلاف جنيه من نصيبها!!!!! و جاية دلوقت لبنتك اللى ظروفها هباب و عيانة لما تقولك عايزة اسكن ف شقة لوحدى عشان ابعد عن الخناق يبقى ردها إشتغلى!!!!! و هوه حد من ولادك الولاد كان جاب حاجة لنفسه من شغله؟؟؟؟؟؟ و العيانة خلتوها تشتغل و هى عيانة عشان تصرف على روحها لحد ما حالها وصل لكده و اتبهدلت البهدلة دى كلها؟؟؟؟؟؟؟ هى دى عيلتى!!!!!! هى دى عيلى نينت مارى فولوتون و الدكتور الحفناوى و عيلة المفتى اللى اشهر من نار على علم!!!!!!!!! و كتير عليا بعد كده دماغى تبوظ و اهلوس بعد عمرى ما راح ف خديعة من الكل ف الأرض و السما!!!!!! المهم نرجع لموضوعنا و هو النمطية و علاقتها بالغباء و استنتاجى إن قولبة الإسلام لعقول المنطقة هنا و عدم السماح للإختلاف لا ف الدين و لا الأمزجة و لا الأفكار بالتواجد جمد تفكيرهم عند حدود الطاعة و نزع منهم المبادرة و الثورة على الحياة الشائنة دى بدعوى و اشكر الصابرين و إن صبرتم أجرتم و أمر الله نافذ و إن تمردتم بليتم و برضه أمر الله نافذ، يعنى إضرب دماغك ف الحيط، و هوه ده المنطق اللى بيتعامل بيه معانا الألهة الحكوميين هنا، نمطية الإسلام و تعظيمه الشديد لصفة الطاعة و إنكاره لأدمية الإنسان من حيث الإختلاف بين الطباع و القدرات حول العالم هنا لخرفان و منافقين، اعمل لآخرتك كأنك تموت غدا و لدنياك كأنك تعيش أبدا!!!!!!!!! يبقى أوجع دماغى ليه بأه بدار الفناء و دار البقاء مستنيانى لو أحصنت فرجى و لبست حجاب و خدت مهر على قلبى أد كده من واحد يجوز أربعة بالخيام بتاعتهم و يتاجر التجارة الحلال مع الكفرة اللى بره و يحط فلوسه برضه عند الكفرة و ده بزنس مالوش دعوة بالشرع و الدين بدام نسوانا ترتدين اللباس الشرعى، اللى عادة ما بيكون تحته الثونج على غانية إن بتوين كلاينتس، و محصنات لفروجهن و نأتيهن أجورهن و البنات لسه عذارى و لا ألف ليلة و ليلة؟؟!! و اهوه عايز تمارس حقك كبنى آدم ف الإختلاف يبقى ف الخفا و تحت عباية من التمجيد الحار لنظام ديكتاتورى صاحب الرب الواحد الذكر، لو جاى ربى شنب يقف عليه الصقر و لو حارة تبقى عاهرة و الشارع عندك و لو عقلك فلسفى و اكتشفت بالتجربة إن العيشة هنا كلها غلط و الدين ده أفيون الشعوب و إن الإسلام عصره إنتهى و كان كفاية عليه كام ميت سنة لإنه كان جاى يحسن عيشة جماعة بدو لو كانوا عايزين يروحوا من ستة اكتوبر لمدينة نصر ف زمنهم كان يبقى يوم بحاله و للا يومين سفر ع الناقة و إن الرجالة بس بيمدوا ف أجله لإنه تجارة مربحة كمان مكتفلهم الستات تكتيفة سماوية اللى تقاوح فيها تطير رقبتها و إن الإسلام دلوقت لو شالوا منه الجزء الخاص بالستات مش حيضيف أى حاجة لمناهج حقوق الإنسان الحديثة و إن تطبيق الشرائع الخاصة بالنساء الآن كما كانت موجودة فيه من الف و ربعميت سنة و اللى كانت و قتها شرائع تقدمية و محققة للعدالة هوه قمة الإجحاف و إهدار لآدمية و إنسانية و حقوق الإنسانة بنت حوا واهبة الحياة، بس معلش برضه، الستات لو عايزين يغيروا الكون حيغيروه من أوله لآخره ف عشر سنين و مش ببالغ، مش بس يحققوا الطفرة دى كلها ف ميت سنة و اللى يحلفلى ع المية تجمد إن ده كله من طيبة قلب الرجالة حقوله يا خفيف ما نتوا اللى قايلين وراء كل عظيم إمرأة، جايين تنكروا كلامكوا دلوقت؟! حيقولولك يخرب بيته قاسم أمين حنرد عليهم لا مارى كورى و لا جان دارك و لا فرجينيا وولف و لا غيرهم كتير خدوا إذن حد عشان يحققوا اللى حققوه، بس همه الستات اللى مكسلين و كافيين خيرهم شرهم ف البيوت و اهى عيشة، الأم هى اللى بتربى الرجالة، لو عايزة تنمى فيه غاندى حيحصل و لو عايزة تنمى فيه بوش حيحصل و ده طبعا بيحكمه الفرق بين البطن اللى خلفت غاندى و البطن اللى خلفت بوش، إلا فيما ندر حيث ينطبق المثل يخلق من العالم فاسد و من الفاسد عالم، فالإستنتاج الأخير بتاعى إن الإسلام هوه السبب ف تدهور حال المنطقة، الأمم بتتقدم بالعلم مع الأخلاق و الأخلاق مش بالضرورة تكون ف شكل دين كفاية قانون وضعى يراعى مصالح كل الفئات ينفذ دون محاباة ده حيكون قمة الأخلاق، و العلم منطقه التجربة و الخطأ و من غير التجربة و الخطأ لا يوجد علم، يبقى لازم يكون فى إختلاف لإن تعدد وجهات النظر بيخلق سياسة و تعدد النظريات بيخلق علم و تعدد الأمزجة و الطباع بيخلق فن، و ماحدش لا يقوللى إيران و لا ما الإسلام قال أنتم أعلم بأمور دنياكم، ماهو عشان أعلم بأمور دنيانا يبقى لازم نطور معاها، و إيران دولة ديكتاتورية استنى عليها حبة و حتتحجر زى ما كوريا حتتحجر زى ما مصر لو كان إستمر عبد الناصر كانت حقيقى حتكون أرحم مليون مرة من دلوقت بس كانت برضه حتتحجر، زى ما الدولة الإسلامية علت علت و بعدين إنهارت لإنها تحجرت و لم تسمح بالإختلاف فتفتتت و نتج عنها حكام آلهة إستقوا جبروتهم من صورة الإله ف الإسلام عشان كده تلاقيهم لسه متمسكين بيه تمسك شديد رغم إنه بأه مخوخ تماما ف الممارسة و ف نفوس الناس، الإسلام دلوقت بأه شعائر من غير أخلاق، لكن أطيعوا الله و الرسول و أولى الأمر منكم بتخليهم اللى يتعدى على ملكهم يحاربوه بإسم السماء و كمان بتحفظ ماء وجه من يكسل و يجبن عن محاربة فسادهم، لابد من الحرية، مالها أوروبا؟! نظام متكامل من تاريخ و حاضر و إن كانت أمريكا دلوقت سادت العالم فروما ف وقت م الأوقات كانت مركز العالم و أوروبا تغلب أمريكا بتاريخها و تغلبنا بمليون حاجة و حاجة، لابد من حكم العقلاء مش العساكر، فهل يعقل إن التلاتة اللى حكموا مصر دلوقت من بعد الثورة كلهم عساكر من الجيش و جايين من قاع الكفور؟؟ عساكر فلاحين!! طب و طبقة المثقفين مين حيمثلها؟؟ العسكرى ما يعرفش غير حكم الجيش و الطوارىء و الفلاح ما يعرفش غير حكم العمدة و كبير العيلة، فين السياسة يا عالم؟؟ عايزين ايمن نور و لو لفترة إنتقالية مش عايزين خريج مدارس لغات و مالوش حاجة ف الدنيا غير مصلحته، و عمرنا ما يتغير البلاوى اللى بقت البلد فيها دى غير أما الناس يدوروا على حقوقهم مش مجرد إضراب تعقبه رشوة ف صورة علاوة ف حين إن البلد نفسها ما بقلهاش وجود لإنها إتباعت و بتتباع حتة حتة فالفرحانين بالإضرابات دى و الرشاوى اللى بتعقبها بكره ما حيلاقوش المصنع اللى بيضربوا فيه، و المنتسبين للنقابات آدى سامح عاشور إبتدى و دخل محامين أجانب بدعوى إتفاقية الجات و تبادل الخدمات، هى مش الجات دى للإقتصاد بس؟؟ معرفش لكن اللى شايفاه و على حسب سير الأمور ف كل حاجة ف البلد إن بند مع المعاملة بالمثل ده عمره ما بيتحقق كل اللى بيحصل إن البلد عمالة تتفندق لكل من هب و دب لحد أصحابها ما حيبقوا زى عرب تمانية و اربعين و سكان المخيمات قبل او بعد ما يحصلنا اللى حصل للعراق، العالم دول ناويين يفوقوا أمتى؟؟؟؟؟؟!!!!!!!!!!