مش نافع سكات أكتر من كده

أمى مجنونة رسمى و حتودينى ف داهية و عايزة ترمينى بره البيت بأى طريقة، عمالة تنكش ف أى حاجة عشان تدب معايا خناقات و تتعب أعصابى و أروح ف داهية و كل ما أتنرفز تضحك أو تنقلب لوح تلج و تعد ع الكرسى ف أوضتها و أنا عمالة أكلمها و هى و لا على بالها نرفزتنى و حرقت دمى و عملت اللى عليها، يا إما أصرخ و أرقد و أعيا و أروح ف داهية با إما تخرجنى م البيت زى الفترة اللى فاتت أسكن ف شقة أخويا الفاضية ف عمارتنا و بعدين غالبا حيكون توقعى ف محله حيقوللى محتاج الشقة بعد ما فضلت فاضية مليون سنة و ألاقى روحى بين المرض ف البيت ده أو أصرف القرشين اللى حيلتى على إيجارات لحد ما يخلصوا بعدين أحتاس، أنا لسه جاية البيت يوم الجمعة و من أول يوم خناقات، مش أنا لوحدى لإنها بتستلمنا واحد واحد كل ما يكون حد فينا عنده أزمة، ما كنتش بجيب سيرة البيت أبدا و اللى بيجرى فيه لكن الموضوع بأه قتل صريح و إللى كنت بسكت عليه الأول و أديهم عذر يمكن مضغوط عليهم و غصب عنهم واضح دلوقت إن ده إختيارهم من أول يوم إنهم يسيبونى أغرق و يريحوا نفسهم من مسؤليتى لإن واضح إنهم حسبوها و كان بره حساباتهم أى حاجة لها علاقة بالدم و العشرة و المسؤلية لإن واضح إن ده ما لوش قيمة عندهم خالص و أنا اللى كنت غريبة بينهم، بعد حكاية الدرمامين دى إبتديت أكتب عن البيت من الأول و تاريخ كل واحد فيه بس لسه ما خلصتش، بعد كل اللى شفته ده مش ناوية أبدا أشيلها لوحدى و لا أحافظ على الإحترام اللى كان مسكتنى لحد دلوقت، حياتى ضاعت هدر و لو كان حد ضيعها يبقى هما اللى ف البيت ده