إنفعالات

متهيألى كده إن أى حد ممكن يكون بيقرالى بإنتظام حيعرف عنى إنى و مع إنى مش بيبان عليا فأنا عاطفية أوى، حقيقى مش بسيب عواطفى تتحكم ف قراراتى بس بزعل بسرعة و بتأثر بسرعة و كمان بفرح بسرعة و لما محدش بيلعب ف دماغى بنسى الزعل ف دقايق. أنا عمرى ما حطيت نفسى ف موقف يتيح للطرف التانى إنه يرفضنى، مش بنكر على نفسى التعبير عن شعورى و حصل ف مرة كمان إنى بادرت بالتلميح عن إرتياحى لشخص معين، لكن عمرى ما لحيت، عمرى ما فرضت نفسى، عشان كده ما حدش عمره رفضنى و كانت دايما العلاقات كلها مودة و إحترام. الجرح بأه إللى نزف ف پوست كلمة للتاريخ كان من آثار نكسة تمانية و تمانين، زفت بيه إللى حتى ما فتحتش بؤى و لا إكلمت و كنت عارفة إن الحكاية كلها هرمونات طبيعية و برضه ما خلتش هرموناتى تأثر ف قراراتى و إتصرفت كما يجب تماما مع كده شوفوا حصللى إيه م المعتوه ده، إزاى بنت الساعى إللى هوه حضرتى ترفض إمبراطور الهلس و التفاهة إللى هوه سيادته، كان لازم يحطها تحت الأقدام بين الحاشية بتوعه عشان تعرف هوه مين، التافه ده قليل العقل و الأدب إللى ما يسواش نكلة. الحكاية التانية إللى مأثرة فيا الحمار إللى مش وش نعمة و عرفته ع الإنترنت، أنا ما قابلتوش، فمعرفش لحد دلوقت إللى كان ف الصور هوه إللى كان بيكتبلى، و هل هوه من طقم الهاكرز إللى مغرقين الكومبيوتر بتاعى شغل و خصوصا كل ما أحاول أدخل على موقع للتعارف، ماهو مش معقول حفضل عايشالهم مريم كده طول العمر، كل ماحاول أتعرف على حد و يمكن تنتهى الحكاية بجواز مش بيبعتلى و لا بيرد عليا غير حد منهم و على الأرجح هوه نفس الشخص، بأعرفه من أسلوبه إللى شدنى ليه م الأول، غير شكله برضه طبعا، المهم من بعد ما عرفت أول مرة إنه منهم و رحت لاغية إشتراكى ف الموقع، ما كنتش أعرف ساعتها بأه إن الكومبيوتر بتاعى هاكد و إنى معزولة عن العالم إلا بمزاجهم، يسمحولى أو لا يسمحولى بالإتصال بالعالم الخارجى على مزاجهم. المهم إللى جارحنى إنى بعد ما اتعلقت بالحمار ده قبل ما عرف شخصيته، و حقيقى حسيت إنى اتعلق بيا برضه مع تفاوت الخبرة طبعا و تأثيره، لكن إللى متابع البلوج و شاف الصورة بتاعة أوليڤ ليو إللى لقيتها مستخبية ع الكومبيوتر عندى بعد ما كتبتله البويم بتاعة سنيك و سبتله الموقع و مشيت يعرف إن نجمة داوود إللى ف ديل الأسد دى مش حاجة هينة أبدا، أيا كان محدش حيدخل اليهود ف الموضوع كده بسهولة، حقيقى ما بعتناش لبعض كتير بس مش أحيانا تحس كده بالقرب من حد بسرعة؟ الدم كده بيبقى واحد، الغريب إنه طلع ما عندوش دم، إللى جارحنى إنى بعد ما نهيت الموضوع و مشيت برضه زى حكاية 88 لسه بيجروا ورايا عشان التجريح، صعبة دى و لا مش صعبة؟! يا ربى هوه أنا موعودة بكسر قلبى ليه من قبل حتى ما ينفتح مرة واحدة و يعرف السعادة؟؟ يا عالم إنشالله أكون همنجواى نفسه و للا مارى كورى حتى أنا بنت، يعنى ميح ف أى حاجة، يعنى بالراحة عليا، و مين دى أى ست أيا كانت تجاربها أو سنها تستحمل الستوكينج و التجريح و الإرهاب ده؟! أمال بياخدوا الريستريننج أوردرز ع الستوكرز ليه؟؟ ما عشان ما يخربوش أعصاب إللى بيطاردوهم، سواء كان بينهم علاقة أو لأ، فما بالك باللى عمال يجرى ورايا و حارمنى أعرف حد غيره عشان بس يجرحنى و يدمر حياتى؟! مش عايزة أقول ألفاظ تانية كتير تعبر أكتر عن إللى بيعملوه فيا لإن الكلام ده بيجرحنى أنا، لكن التجريح دى كلمة مؤدبة أوى ف إللى بيعملوه، و كل كلمة قلتها ف الڀوست إللى فات كان كله حقيقى، هوه ده إللى بحسه بالظبط، و هوه ده بالظبط إللى عايزنى أحس بيه، كأنى محترفة مدمنة عايشة ف الشارع و حتى الشارع مش عايزنى، تدمير و تجريح لأنوثتى، و مطاردة شرسة لتدمير إحساسى و شخصيتى عشان مين دى إللى تقف قدامهم، لازم يسحقوها. منهم لشيطانهم، زى ما زين لهم أذايا بالافترا ده يفضل يوزهم ع الشر لحد ما يضيعهم زى ما حصل لطلعت مصطفى