الفضايح

تلت مقالات من عدد واحد م العربى و صورة من موقع مش فاكراه ع النت يفسروا المقال الرابع من نفس العدد م العربى برضه إللى كاتباه الشوباشى و ححط صور المقالات دى من غير تعليق لإن المكتوب فيهم مش محتاج تعليق. التعليق الوحيد ليا هنا هوه إنه بعيد عن المكاسب و الأرباح اللى عارفين كلنا إنها الهدف الأول لنجيب ساويرس و غيره من بتوع البزنسة المصريين، لو عندهم أهداف قومية مخفية فمحدش فينا شايف أثرها على وضع مصر و المصريين الإقتصادى أو السياسى، بالعكس شايفين خراب نازل ع البلد من كل ناحية و فساد ذممى و أخلاقى آخرته موضوع طلعت مصطفى، المهم إنه بعيد عن ده كله فنجيب ساويرس عمل أجدع حركة بزنسة لأى رأس مالى مصرى، الوحيد إللى حاول إختراق الكيان الإسرائيلى ف العمق عن طريق الإقتصاد أيا كان هدفه من كده، لإن بالقطع يوم ما يكون لنا رأس مال ف قطاعات حيوية زى قطاع الإتصالات ف الكيان الصهيونى، يوم ما بالتأكيد حيكون لنا القدرة على التأثير ف قراراتهم السياسية، و ده طبعا بشرط توفر الولاء الوطنى للبلد عند صاحب رأس المال مش الولاء لرأس ماله و بس و ده طبعا برضه بعيد عن شنب إللى خلفونا يا مصريين لحد ما ناخد حقنا بدراعنا و مانديش ثمرة مجهودنا و خير بلدنا إلا للى حيحافظ على مصالحنا بره و جوه، مش إللى ياخد متر الأرض بملاليم بعدين يبيعه بملايين و يروح يصرف الأرباح على الغانيات، بدام أخلاقه تسمحله بالخيانة الزوجية يصرف على مزاجه زى ما هو عايز بس من جيبه هوه مش من جيوبنا.