هبة الوريث

السندات إللى عايزين يدوها للناس مارس الجاى، واضح إنها حلاوة التوريث، سيبك من كل الكلام بتاع الأصول حيشتريها اليهود و الحاجات دى كلها، مش هوه ده الهدف الأساسى، لإن مافيش حاجة تمنعهم يكملوا بيع اللى عمالين يبيعوه من مليون سنة لزيد او عبيد و اقربها حكاية الغاز اللى إتباع لإسرائيل برخص التراب. دى حلاوة ولى العهد اللى حياكل بيها عقل العامة و بعدين تروح لاصحاب النصيب كالعادة إللى حسب ما نا شايفة ناويين يورثوه التركة قبل ايمن نور ما يخرج م السجن مايو و لا يوليه الجاى، متهيألى ده اغلب الظن.