الإحساس نعمة

عندهم رجالة بتحمل و إحنا لسه الاربع جوارى و العصمة ف وسطك يا غبى و بالعافية و غصب عنك ذنبك إنك إتبليتى و إتخلقتى ست ف البلد المخروبة دى، معروف إن توماس بيتى ترانز جندر، ده هناك، هنا كلنا فاكرين سالى طالب الطب و إللى إتعمل فيها لمجرد إنها حاولت توصل لتوازن نفسى جسدى يتيح لها الحياة بعيد عن الأمراض النفسية المعروف حدوثها ف الحالات دى، أنا مش مع اللعب ف الطبيعة بأى شكل، بنعيش معاها و نتواءم معاها، يعنى الراجل مش إكويڀد إنه يخلف أو يرضع فامفيش داعى نلخبط الدنيا بتجارب على الحيوانات تتيح للراجل الحمل خارج الرحم زى ما بيعملوا بره، هى الحقيقة يظهر الرجالة خايفين على روحهم لأنهم عارفين و متأكدين إنه وين ڀوش كومز تو شوڤ شوية سبيرم ف سبيرم بانك ممكن أوى يمشوا الدنيا من غيرهم، المهم إن العالم دول فاضيين و معاهم بلايين و الفاضى يعمل قاضى، أكيد عنهم ڤويد أد كده جواهم عايزين يملوها بالعك اللى عمالين يعكوه ده ف الدنيا و أكيد مش قادرين يتحكموا ف نفسهم أو حياتهم على الإطلاق فعايزين يعملوا آلهة على كل حاجة حواليهم، لأنى لو سعيدة ف حياتى حاصحى الصبح أضحك ف وش الدنيا كلها و حبقى مشغولة بحياتى أنا مش عندى وقت لغيرى مش أصحى أفكر حخرب بيت مين النهارده! المهم بالرغم من إن حمل الرجال و الجدل العقيم حوالين موت جذع المخ و هارب و التشيبس و الحاجات دى كلها تدخل و تخريب عبقرى ف غباوته و شره ف الإنسانية و الطبيعة، جت حكاية إن بيتى ترانز جندر صدفة ممتازة له و لمراته اللى ما بتخلفش، كان فيلم الآنسة حنفى لإسماعيل ياسين سابق لعصره و أوانه و أستبعد ف الردة الإسلامية الموجودة ف المجتمع دلوقت إن يتعمل حتى نصه، و كان فيلم ڇونيور لشوارزنيجر من أظرف الأفلام و أرقها و أكثرها رومانسية لما بين الست بتتعب أد إيه ف الحمل و الولادة و إزاى ف الآخر كان شوارزنجر عايز يشيل حمل الحمل عن إيما تومسون مراته و شريكته ف التجربة بالبويضات بتوعها ف الفيلم، جميله متقدر الراجل اللى يحب يريح مراته للدرجة دى، ياريت البلطجية اللى ما يعرفوش يتشطروا الا ع الستات ف العالم كله يتعلموا. لو عايزين تقروا زيادة عن توماس بيتى و عن الميل ڀريجنانسى زوروا المواقع التالية

For male pregnancy:
http://en.wikipedia.org/wiki/Male_pregnancy

An article by Thomas Beatie in the Advocate (don't mind the gay pictures):
http://advocate.com/issue_story.asp?id=52664