هى هى هى.. ثم هى (بمعنى إل إو إل

جمعة الغضب، ماشى، جمعة الرحيل؟! لزمتها إيه؟؟؟؟؟؟؟؟؟؟؟؟؟؟؟؟؟؟؟؟ ليه ثورة تحط لنفسها ديد لاين؟؟؟؟؟؟؟؟؟؟؟؟؟ فى أحد أحاديث الجزيرة، يوم ما كان الطيارات الحربية صوتها مسموع فوق بيتنا ع الأقل، زوفة، كتير، كان تعليق إن تونس عملتها ف شهر، معقول مصر حتعملها ف أربع تيام؟؟ هل ده ماتش كورة؟؟ النهارده حليم قنديل، مش بحبه، بيكلم عن إن زلزال صاب البيت هدم الإزاز و الحيطان لكن لسه فى حد ف "المطبخ"!! "المطبخ"!! عايز يبنى البيت!!!!!!!!! يعنى هى البيوت دلوقت بقت أساسات بناها بتتحط م المطابخ؟؟ الشعب أصله كان رايح ميدان التحرير يعمل شوربة عتس!! الناس اللى ماتوا دول، إيه الموضوع؟؟ إيه اللى حصل ده؟! إيه التهريج ده؟! مين اللى خطط الناس يتحركوا بالشكل ده و ناس يموتوا و يحددوا معاد يمشى و لما ما يمشيش تبقى هزيمة؟! لولا إنى شفت بنفسى حظر التجول كنت إعتبرت الموضوع تهريجة و ياما الميديا بتفبرك، لكن من شارع المساحة لشارع محيى الدين أبو العز كان مقفول يوم ما خرجت، و كان فى رود بلوكس، ما فيش سريخ إبن يومين، يعنى لما نقفل محيى الدين بمحلاته و لو لربع ساعة يبقى فيها خسارة اقلها عشرين مليون، و حسب سلو البلد دى، عشرين مليون يسيح فيهم دم مليون بنى آدم بالميت، خسارة الفلوس تؤكد إن فى دم ساح لإن ف البلد دى بالذات الفلوس أهم مليون مرة من دم البنى آدمين، هل دم المصريين رخص عندهم للدرجة دى؟؟ إيه اللى خللاهم يعملوا كده ف إنتفاضة الكل إتمنالها النجاح؟! بدل ما يرفعوا مصر زادوا مصر و المصريين بهدلة!! و ف ستين داهية، المهم اللى مفروض إنهم ماتوا دول ماتوا فعلا؟؟ دى تبقى داهية و المصريين يبقوا خلاص رسمى زومبى!! و المنظر النهارده ف الميدان و عمالين يخطبوا ف الجموع و يشجعوا و ماترجعوش بيوتكوا و يظهر عملوا كلاود سيدينج و مطرت على الميدان و الحكاية بقت فارس كوميدى!! ليه كده يا مصريين؟! ليه كده؟! ليه مش بيكفيكوا بلاوى تعملوها ف البلد و ف الناس اللى عايزين يعيشوا؟! ليه؟! ليه؟! النهارده، دلوقت من بعيد سامعة شوية كلاكسات، قليلين مش كتير، بس الساعة قربت على تسعة و الكيرفيو سبعة؟! مبسوطين إن كذا ما مشيش؟! ربنا يهنيكوا بيه و يسعد سعيد بسعيدة!!