كلام

كيف ينتقم العفن من قدره؟؟ بالإنتشار فى كل ما هو نقى، فلو عمل على التطهر ما كان عفنا

إحنا مش بنبقى صغيرين عشان إحنا صغيرين، إحنا بنبقى صغيرين عشان مش عايزين نكبر، و بدل ما نتعب عشان نعلى بنستسهل التسقيف لبلطجى بعد بلطجى، يعنى لو كل يوم ف حياتنا إتعلمنا حاجة مفيدة من كل حد نشوفه و كان هدفنا دايما إن احنا كل يوم نبقى احسن م اللى قبله و بعدنا عن غباء الغطرسة و غباء الغرور و التباهى بالبلطجة إللى لازم يوم بتروح دولته و ييجى بلطجى أقوى مهما كان موقع البلطجى ده فوق أو تحت، أو التباهى بأى شىء على الإطلاق لإننا جميعا إلى زوال و لو كنا نقدر نتحكم ف أقدارنا ما كانش حد فينا شاف يوم عذاب فيبقى فى إيه نملكه و ممكن نتباهى بيه؟! نفرح بيه معلش، لو عملنا كده حتبقى راسنا براس أغنى غنى و أقوى قوى و حنتعب صحيح بس ساعة الجد و ساعة الحساب حنكون راضيين عن أعمالنا و حنحط راسنا ع المخدة و حنرتاح